Մի օր, որ տեսնեք
իրեն փոխանցեք, խնդրում եմ, որ լվացք կա անելու: Ասում են՝ բոլորիս ներսում էլ լվացք
է հավաքվում, որ մի օր պետք է լվացվի:
Բայց այդ լվացքը մենակ անել չի լինում, մեկն
է պետք, որ նախ լվացքիդ մասին խոսես հետը ու այնքան քոնը լինի, որ ձեռքերը քշտի ու
հետդ ընկնի լվացքիդ ջանին, իրար հետ լվանաք ու փռեք:
Փոխանցեք, որ ես
իրեն բան ունեի ցույց տալու, ավելի ճիշտ՝ ներկայացնելու: Երկնքում ամպեր ունեի ցույց
տալու, իսկ ներքևում` ջրափոսեր: Ափսոս, ցույց տալու առիթ չունեցա: Բայց երեկոյան ամպերի
հետևում մեղավորներին տեսան՝ աստղերն էին մեղավոր:
Փոխանցեք նրան, որ
մեղավոր աստղերը ընկնում են երկնքից, ամպերից, վերևից, հեռվից ու ամեն մի աստղ տխրություն
է բերում ամեն մի մարդու: Ասղերն են մեղավոր այդ չարված լվածքի համար, աստեղերին եմ
մեղադրում մարդկանց տխուր դեմքերի համար, նարնջագույն կոտրված ապակիների համար ու միայն
աստղերին, նրանք են մեղավոր:
Մի օր աստեղրից մեկը
ընկավ հեռավոր լուսնից, ընկավ ուղիղ գլխիդ ու տխրեցրեց ինձ՝ թողնելով մի ամբողջ չլվացված
լվածք: Մեղավոր են մեր աստեղերը, շա՜տ…
Հ.գ. Ջոն Գրինի «Աստղերն են մեղավոր» գրքից ոգեշնչված:
No comments:
Post a Comment